USD 1.7000 EUR 1.9811 RUB 0.0239 TRY 0.1817 QIZIL 1787,8 $ GÜMÜŞ 24,274 $ BREND 84,14 $ AZERI LIGHT 85,15 $ BITCOIN 62605,65 $

BTC ilə neft nəqli açıqlandı

Bakı, 19 oktyabr - BiznesMedia. Azərbaycanda magistral neft kəmərləri ilə bu ilin yanvar-sentyabr aylarında 26 170,6 min ton neft nəql edilib ki, bu da 2020-ci ilin müvafiq göstəricisi ilə müqayisədə 1,53% azdır.

Dövlət Statistika Komitəsinin məlumatına görə, nəqletmənin 74,8%-i Bakı-Tbilisi-Ceyhan (BTC) neft ixrac kəməri ilə həyata keçirilib, yanvar-sentyabr aylarında kəmər vasitəsilə 19 566,4 min ton neft ötürülüb (2020-ci ilin müvafiq dövrü ilə müqayisədə 7,5% az).

Hesabat dövrü ərzində BTC kəməri ilə 2 522,1 min ton tranzit nefti də (17,4% az) nəql edilib.

Əlavə edək ki, BTC-nin ötürmə qabiliyyəti gündə 1 mln. bareldir. Kəmərin neftlə doldurulmasına 2005-ci il mayın 6-da başlanılıb, bu kəmərlə nəql edilmiş ixrac xam nefti yüklənmiş ilk tanker 2006-cı il iyunun 4-də yola salınıb.

"BTC Co."nun səhmdarları BP (30,1%), "AzBTC" (25%), MOL (8,9%), "Equinor" (8,71%), TPAO (6,53%), "Eni" (5%), "Total" (5%), ITOCHU (3,4%), INPEX (2,5%), "ExxonMobil" (2,5%) və "ONGC (BTC) Limited" (2,36%) şirkətləridir.
19:56
19 oktyabr 2021
0 0 1
Top